کون کہوے ایہہ پینڈا اوکھا
پھُلاں ورگا راہ ایہہ سوکھا
دنیا کولوں جند جو چھُٹی
لتھا پھاہ ، پَنڈ ایہہ سُٹی
مِٹھا درد ، اُڈیک پیاری
سُچے اُتھرُو ، ڈُونگھی تاری
نہ کوئی صدقے نہ میں واری
نہ میں جِتی نہ میں ہاری
نہ میں روندی نہ میں ہسدی
نہ میں اُجڑی نہ میں وسدی
عشق تیرے وِچ ڈُب ڈُب جاواں
پُٹھیاں سیدھیاں تاریاں لاواں
عشق دی لزت مِٹھڑی تان
روح وی تیری جِند قربان
عشق جو اوہ دا پا جاوے گا
خِضر نوں راہ دکھا جاوے گا
