تیری یاد توں کدھی میں غافل نہیں
کی جاناں ، میں دنیا دار تے عاقل نہیں
یاد تیری تے ساہ نیں میرے
تیری گلیاں راہ نیں میرے
کل یاد تیری جو آ گئی
مینوں برکھا وانگ رُلا گئی
یاد تیری جو چھا گئی اندر
بھانبڑ اک مچا گئی اندر
بھانبڑ دی اگ مچدی جائے
جسم کولوں میرے سہی نہ جائے
اوہ تے میرے جسم نوں لَے گئی
موت وی سامنے آ کے بیھ گئی
جسم نے اک فریاد جو کیتی
اکھیاں فیر برسات وی کیتی
ویری اکھیاں وِچ کیوں آ گئیاں
میرے جسم نوں فیر بچا گئیاں
تیری یاد تھوڑی ہور جے آ جاندی
اگ عشق دی مینوں مٹا جاندی
تیری یاد ہندی میری موت ہندی
جند اینی مینوں بہت ہندی
تیری یاد وِچ مر کے سو جاندی
میری جندڑی امرت ہو جاندی
