دادا میرے مار کھنگھورا لوکاں نوں دبکون
جیھڑا مینوں دبکا مارے اوہنوں اگے لون
دادا نال میری دوستی میرا دادا نال پیار
میرے دادا میرے بیلی اوہ یاراں دے یار
ابا جدوں وی ڈانٹ پلاوے دادی مینوں آن بچاوے
ابے نوں اوہ گھوری پاوے ابا ڈردا کول نہ آوے
ابا میرا فیر میری تھاں تے ، تے امی اودھی ڈاڈھی
ہر کوئی ایتھے دھیان کرے ہُن گل اے چلنی ساڈی
ابے نوں فیر میں چھڈاواں ، تھیماں تھیماں مسکراواں
کھیڈ کے کھیڈاں پیار دیاں ، دادی نال میں گانے گاواں
نانا سانوں گھمون پھرون نانا میرے سیر کراون
کھڈونیاں دی فرمائش جو کرئیے، ساری دکان خرید لیون
جے امی ساڈی گل نہ منے شکائت نانا نوں لاواں گے
کسر جے فیر وی رہ کوئی جاوے نانی لیا بلاواں گے
ماں پیو میرے جان نیں میری ، دادا دادی سچے نیں
مطلب اپنا کینج اے کڈنا حساب ایہہ سارے رکھے نیں
