یاری ساڈی اینی گُوڑھی ، اوکھے سوکھے ساتھ نبھایا
لوکیں دین مثال اساڈی جِس طرح کوئی ماں پیو جایا
میرے کولوں وی بھُل جو ہو گئی ، سَو وار پچھتایا
کدی گیا تیرے بُوہے اگے ، کَدی میں واپس آیا
مَن جا میری ، کھول دے سجناں ، دل وِچ گنڈھ جو بنھی
میں وی روواں تُوں وی روویں ، چھڈ انا ایہہ انھی
جیون دا کجھ پتا نہیں ، اساں مَر جاناں اے کَل نوں
اَج تے سب کجھ ساڈا اے ، کَل رونا اے اِس پَل نوں
لبھنا نہیں راہ جنازے دا ، اساں ڈھائیں مار کے رونا
آ جائیں اَج مسیتے تُوں ، اوتھے مغرب نوں میں ہونا
اوتھے روئیں نہ مینوں ویکھ کے ، نہ تُوں مینوں روائیں
اتھرُو ویکھ میں رہ نہیں سکدا ، مار اُٹھاں نہ ڈھائیں
مِل کے گھر نوں آواں گے اساں دِل دا حال سُناواں گے
بول پیار دے فیر سُناں گے ، گیت پیار دے گانواں گے
