Author: W Iqbal Majid

اگر کوئی شخص آپ کے دل کو اچھا لگ جائے تو اُس کو اپنے دل میں خاص جگہ دیں۔ تا وقتیکہ وہ خود آپ کو بتا ئےکہ وہ اس جگہ کے لائق نہیں ۔کیونکہ اکثر اوقات لوگ ہمیں خود بتا دیتے ہیں کہ کہ ہم اُن کے ساتھ کیا سلوک کریں۔ اور اگر وہ واقعی ویسا نکل آئے جیسا آپ کے دل کو لگا تھا توپھر اُسے دنیا کی سب سے قیمتی اور نایاب چیز کی طرح سنبھال کر رکھیں۔ سب سے بچا کر۔ اور یاد رکھیں کہ اگر اُس کو سنبھالنے میں کوئی کوتاہی یا غلطی ہو گئی تو…

اگر ہم اپنی پچھلی زندگی دیکھیں تو کتنی راتیں ایسی تھیں جو کٹتی ہی نہیں تھیں۔ کبھی کوئی تکلیف تھی کبھی کوئی خطرہ کبھی کوئی مجبوری اور کبھی انتظار۔ مگر ان سب چیزوں سے زیادہ خطرناک ایک اور چیز کی تھی وہ تھا اِن چیزوں کا ڈر اور خوف۔ اُن چیزوں کے ہو جانے کا خوف جو ابھی ہوئی نہیں تھیں۔ اور وہ واقعی نہیں ہوئیں۔ کبھی نہیں ہوئیں مگر اُس رات اُس خوف نے ہمیں برباد کر دیا اگر میں نے یا آپ نے اُس رات کے بعد آنے والی اپنی زندگی دیکھ لی ہوتی تو کیا ہم اُس…

اللہ تعالیٰ نے ہر انسان کو منفرد پیدا کیا ہے، بے پناہ خوبیوں کے ساتھ۔ اپنی ہی طرز کا، سب سے جدا، اس جیسا کوئی بھی دوسرا نہیں۔ ہم لوگ دوسروں کو مشہور، دولت مند یا لائق سمجھ کر ان جیسا بننے کی کوشش کرتے ہیں۔مان لیا کہ ان کی طرح کے بن گئے پر ہم خود کہاں چلے گئے۔کہیں دوسرے کی طرح بننے کی کوشش میں ہم نے اپنے آپ کو ختم تو نہیں کر رہے۔

ایک شخص رات کو اپنی گاڑی پر پہاڑی علاقے میں کسی سنسان جگہ سے گزر رہا تھا۔سڑک پر موڑ مڑتے وقت اس کی گاڑی کا ٹائر کسی چیز سے ٹکرایا، گاڑی ڈگمگائی مگر اس نے سمبھال لی۔ اس نے گاڑی روکی، وہ نیچے اترا اور اس چیز کو سڑک پر سے ہٹانے کے لیے اس کی طرف بڑھا۔ اسے دور ہی سے اس جگہ پر کچھ چمک سی دکھائی دی۔ قریب جا کر دیکھا تو یہ ایک تھیلا سا تھا تھیلا کیا تھا ایک اچھی خاصی بوری تھی جس کا منہ ٹائر لگنے سے کھل گیا تھا اور اس میں…

کھٹی میٹھی زندگی” میری زندگی کے واقعات کا ایک تسلسل ہے جس میں سے بہت سے واقعات ایسے لوگوں کے ساتھ میری محبت، شکر گزاری اور عقیدت کے ساتھ منسلک ہیں جو رتبے میں مجھ سے بہت بڑے، تجربے میں زیادہ اور سمجھ میں کہیں آگے تھے۔ جن کی بات میرے لیے حکم کا درجہ رکھتی تھی جنہوں نے میری زندگی خاص طور پر نو عمری میں اپنی اس حیثیت کے باوجود مجھ پر مہربانیاں کیں اور مجھے اپنی محبت و شفقت کے لطف و عنائت سے ہمکنار کیا میرے وجود کا یقین اور میری باتوں کا اعتبار کیا. میری…

میرے ننہال میں میری امی کی ایک خاص حیثیت اور بڑا مقام تھا میرے ایک ماموں جو میری امی سے چھوٹے تھے ان سے میرا کافی لگاؤ تھا ان کا میری نظر میں عزت و احترام بہت زیادہ تھا مگر ہماری نوک جھونک بھی ہوتی رہتی تھی ان کا مارکیٹ میں ایک بہت بڑا ڈیپارٹمنٹل اسٹور تھا جس میں ایک جگہ سبزی اور پھل کی بھی تھی۔ ایک دن میں ان کے اسٹور پر گیا اور چُن چُن کر پھل لینے لگا وہ مجھے دیکھتے رہے اور بولے آج کوئی خاص بات ہے کیا؟ میں نے پھل ڈالتے ہوئے ان…

کاروبار میں آنے کے کچھ دیر بعد ہی میں نے ڈیفنس میں ایک بہت بڑا بُک اسٹور بنایا اُن دنوں ڈیفینس میں تھوڑے سے اسکُول تھے۔ میں نے سب اسکولوں میں ایک تعارفی دورہ کیا۔ اُن میں سے ایک اسکُول جو کہ بہت بڑا تھا جس کے مالک ایک بہت پڑھے لکھے انسان تھے میں اُن سے بھی ملا میرے اُن سے ملنے اور اُن کے ساتھ کام کرنے کے بعد اگر کوئی اُن کے بارے میں پوچھتا تو میں کہتا کہ اتنے شاندار انسان ہیں کہ ان کا نام آئے تو انسان کھڑا ہو جائے۔ نئے سال کا آغاز…

میرے ایک دوست انگلینڈ میں رہتے تھے انہوں نے مجھے ایک دن مجھے ٹیلی فون کیا اور کہا کہ میرے چچا جو کہ میرے سُسر بھی ہیں انہوں نے ایک کتاب لکھی ہوئی ہے میں وہ کتاب چھپوانا چاہا ہوں وہ کینسر کے مریض ہیں ہم لوگ یہ چاہتے ہیں کہ کتاب اُن کی زندگی میں آ جائے وہ کتاب میں آپ کو بھیج دیتا ہوں جتنا جلدی ہو سکے اُس کو چھاپ دیں کچھ دن کے بعد مجھے کتاب مل گئی. کتاب کیا تھی بہت پرانے بوسیدہ کاغذ تھے جو پرانے ہونے اور خستہ ہو نے کی وجہ سے…

ایک دفعہ میرے پاس اتنا زیادہ کام تھا کہ میرے لیے دن اور رات کا فرق بہت کم رہ گیا تھا۔ نہ سونے کا وقت نہ کھانا کھانے کا وقت۔ اِسی دوران ایک دِن میں تقریباََ چار بجے سہ پہر، دوپہر کا کھانا کھانے کے لیے نکلا۔ گاڑی تک جاتے جاتے میں نے اتنے ذیادہ کام کے لیے اللہ کا شکر ادا کیا اور ساتھ ہی دعا مانگی کہ یا اللہ بس! اتنا ہی کافی ہے۔ گاڑی میں بیٹھا اور کھانا کھانے گھر چلا گیا۔ یہ موبائل فون کے زمانے سے پہلے کی بات ہے۔ جب میں واپس آیا تو…

میرے ایک دوست ایک کمپنی میں بہت اچھی پوزیشن میں کام کرتے تھے. بہت لائق انسان ہیں۔ کمپنی میں آپس کی سیاست کا دباؤ ایسا آیا کہ وہاں کام کرنا مشکل ہو گیا۔ انہوں نے نوکری تو چھوڑی ہی مگر ساتھ ہی اپنے آپ سے وعدہ بھی کر لیا کہ آئندہ کبھی نوکری نہیں کریں گے۔ چنانچہ ایک پلازہ کی سب سے آخری سیڑھیوں والی آدھی دکان لے کر اُس میں سی سی ٹی وی کا کام شروع کر دیا. دکان تو برائے نام ہی تھی. کام باہر سے ہی لانا پڑتا تھا. ویسے بھی نیا کاروبار چلنے میں وقت…