Author: W Iqbal Majid

خوبصورتی کو اپنے وجود کا احساس اس وقت ہوتا ہے جب کوئی آنکھ اسے اپنے اندر سمو لیتی ہے۔ خوبصورتی کو یہ احساس کہ وہ نہیں رہی اسی وقت ہی ہو سکتا ہے جب وہ خود تو ہو مگر اسے دیکھنے والی وہ آنکھ نہ رہے جس کا وہ اعتبار کرتی تھی اور دوسری کسی آنکھ پر وہ اعتبار کرنا نہ چاہتی ہو. ایسے حالات میں دو ہی صورتیں ہو سکتی ہیں یا تو اللہ تعالیٰ اُسے صبر دے دے یا وہ اسے کسی دوسری آنکھ کا اعتبار دے دے کہ اسے اپنے وجود کا احساس ہونے لگے۔

وقت واقعی بہت قیمتی ہے مگر اس کی قیمت کا حساب عام طور پر دماغ اور جسم کی کارکردگی سے ہی لگایا جاتا ہے وہ بھی روپوں پیسوں میں. دل سے حساب لگانا تو ہم بھول ہی گئے ہیں۔ ہم نے اپنے دماغ اور جسم کو ایسا بنا لیا ہے جیسے کوئی مشین ہو جس کے شور میں ایک ہی بات سمجھ آتی ہے وقت بہت قیمتی ہے وقت بہت قیمتی ہے ہر منٹ کے پیسے ہر سیکنڈ کے پیسے، ان پیسوں سے ہم زندگی کی سہولتیں تو لے سکتے ہیں زندگی کے مزے نہیں۔زندگی کی سہولتوں اور زندگی کے…

زندگی پیار سے وجود میں آئی ہے دنیا محبت کے لیے بنی ہے اور اسی پر چلتی تھی زندگی مزے میں تھی اور دنیا خوش. پھر نہ جانے بیچ میں پیسا کہیں سے آ گیا یہ لوگوں کو اتنا دلکش لگا کہ وہ پیار اور محبت دونوں کو بھولنے لگے پھر انہوں نے اسی میں محبت ڈونڈھنا شروع کر دی اب پوری دنیا پیسے پر چلتی ہے زندگی اداس ہے اور دنیا نا خوش! ابھی بھی لوگ پیار اور محبت کو بھولے نہیں مگر اب وہ اسے پانا نہیں چاہتے خریدنا چاہتے ہیں اپنے پیسے سے مگر خرید نہیں پاتے…

سنا ہے کہ جوڑے آسمانوں پر بنتے ہیں۔ بلا شبہ وہ بنتے تو آسمانوں پر ہی ہیں مگر ایک دوسرے کو ڈونڈھتے زمین پر ہیں۔ ایک دوسرے کو ڈونڈھ لینے کے بعد کئی جوڑے ایک دوسرے کے ساتھ رہتے ہیں اور کئی ایک دوسرے کے ساتھ نہیں رہ پاتے. کیونکہ جوڑا تو ان کا بن چکا ہوتا ہے مگر نصیب میں اکٹھا رہنا نہیں ہوتا اور بعض اوقات جنہیں اکٹھا رہنا پڑتا ہے ان کا جوڑا نہیں ہوتا بس شادی ہوتی ہے وہ بھی زبردستی کی۔

اگر کوئی شخص کسی سے بات نہ کرنا چاہے تو دنیا کا کوئی قانون کسی کو اُس سے بات کرنے کی اجازت نہیں دیتا۔ اسی طرح اگر کوئی کسی کو چھونے نہ دینا چاہے۔ کسی کو بھی حق نہیں ہے کہ کوئی اسے ہاتھ بھی لگائے اور اگر زبردستی ہاتھ لگا لے تو اس کا ردِ عمل کی سختی کا تعلق قانون کے ساتھ ہے یا اُس شخص کی اپنی طاقت کے ساتھ۔زبردستی کی شادی میں بالخصوص لڑکی کو یا لڑکے کو ایک ایسے شخص کے ساتھ ساری عمر رہنے کا اور اس کے ساتھ سونے کا لائسنس دے دیا…

اصل چیز بنانے والے کے پاس ایک سوچ یا ایک آئیڈیا ہوتا ہے. جس سے وہ اپنے خیال میں ایک چیز بناتا ہے پھر اسی چیز کو وہ عملی شکل دے کر اس دنیا میں اس کا وجود پیدا کرتا ہے مگر وہ وجود یا شکل اس کے دماغ میں بنے ہوئے ماڈل کے مطابق نہیں ہوتا بلکہ اس کے قریب ہوتا ہے کیوں کہ اسے عملی جامہ پہنانے کے لیے مٹیریل اور مہارت کی کمی ہوتی ہے. مگر پھر بھی چیز نئی اور شاندار بنتی ہے جو کہ مٹیرل اور مہارت کی دستیابی کے ساتھ ساتھ ساتھ بہتر ہوتی…

سب جانتے ہیں کہ رزق اللہ کے ہاتھ میں ہے اور دانے دانے پر مہر لگی ہوتی ہے اور وہ پتھر میں کیڑے کو بھی دیتا ہے ۔ اصل میں انسان کا رزق خود اس کے لئے بے چین ہے اور اسے شدت سے تلاش کر رہا ہے۔ اگر انسان کسی کمرے میں تالا لگا کر بیٹھا ہوا ہے تو وہ دروازہ توڑ کر آتا ہے۔ سوچنے کی بات یہ ہے کہ اگر رزق اللہ کے ہاتھ میں ہے اور دانے دانے پر مہر لگی ہے اور ہمارا رزق اُسی نے دینا ہے تو ہم کسی نوکری کیوں کر رہے…

انٹرنیٹ پر ہم دوستوں کی ایک بحث چل رہی تھی، اپنی ہی طرف کے ایک دوست کی ہاں میں ہاں نہ ملانے پر انہوں نے میرے لیے یہ شعر لکھ دیا “اختلاف جہاں کا رنج نہ تھا دے گئے مات ہم خیال ہمیں” جس کے جواب میں میں نے درج ذیل شعر کہہ کر لکھ دیا اختلاف رائے میں بھی اپنوں کا احترام و خیال کرتے ہیں زمانہ لگتا ہے، رشتوں کی پرورش مہ و سال کرتے ہیں کون ہو گا جو جیتے لفظوں سے اور ہار دے اپنوں کو جانے بھی دیجیے صاحب آپ بھی کمال کرتے ہیں

اذان کی آواز آئی تو ابا وضو کرنے کے لیے اُٹھے گزرتے ہوئے انہوں نے صوفے پر بیٹھی اپنی بیٹی کی طرف دیکھا تو اُس نے اُن کی نظر کا اشارہ سمجھتے ہوئے کہا ابا میں کچھ دیر کے بعد نہ نماز پڑھ لوں تو وہ بولے بیٹا یہ بات مجھے نہ پُوچھو اُس سے پُوچھو جِس کی نماز ہے اور جِس نے تمہیں نماز کا حکم دیا ہے اب تم بڑی ہو گئی ہو میری طرف سے تو بے شک ساری عمر نماز نہ پڑھو مجھے تو بس اپنی نماز پڑھنی ہے یہ کہہ کر وہ وضو کرنے چلے…

جو دعائیں ہم دوسروں سے کہہ کر لیتے ہیں وہ دعائیں دوسرے ہمیں بول کر دیتے ہیں۔ وہ دعائیں بلا شبہ قبولیت کا مرتبہ پانے کے لیے بے تاب ہوتی ہیں۔ دعائیں جو ہوئیں۔ مگر کچھ دعائیں ایسی بھی ہیں جو ملنے سے پہلے ہی قبول ہو چُکی ہوتی ہیں یہ دعائیں وہ ہیں جو کسی کے دل سے نکلتی ہیں۔ یہ بغیر کہے سُنے۔ یہ دعائیں دوسروں کی خدمت کرنے سے ملتی ہیں، کسی کی خدمت ہم تب ہی کرتے ہیں جب اُس سے محبت اور اُس کی عزت کرتے ہیں۔ دعائیں کسی کے ساتھ دکھ سُکھ بانٹنے سے…