Author: W Iqbal Majid
جدوں وی بندہ بھُلیا اے اوہ نے یاد دلایا اے بندے نے جد معافی منگی اوہ نے کرم فرمایا اے
اندر وڑ کے بیہہ جا تے باہروں کر دے کند فیر وی دِسے کرونا تے ٹی وی کر دے بند
ووٹ دی طاقت امانت دے کے غلط کِسے نوں ، اَج خوش جے ہوئیں گا وڈ وڈ دندیاں ہتھاں اُتے ، پنج سال تُوں روئیں گا کنڈے سُولاں خود اُگا کے ، پَلہ جھاڑیاں خُود پھڑا کے وَڈیں گا فیر فصلاں اوہ ہی ، جو اج توں بوئیں گا دل دی گل اج سُن لے بندیا چھڈ جھوٹ دی یاری سَچ نوں دے دے طاقت ساری ، جھوٹ نوں گولی ماری کھُنج نہ ویلا سونے ورگا ، نہ گال حیاتی ساری بدل لِے قسمت خود نسل دی ، اَج لِے لِے اپنی واری
بچیاں دی اے سمجھ انجانی پر پھڑ لیندے گل سیانی بچپن دی اک گل یاد آئی کس عمرے کس پَل یاد آئی جدوں ہندی سی خوب لڑائی کہہ کے کردے صلح صفائی “لڑائی لڑائی معاف کرو اللہ دا گھر صاف کرو” دھیان گیا فیر سیدھ مسیتی خیالاں وچ صفائی وی کیتی سمجھ تے آئی ہُن اے پیارو اللہ دا گھر تے دل اے یارو
نہ کچھ لینا نہ کچھ دینا ہتھ دی محنت دا کی مہنا نبیاں ولیاں خود کم کیتے اپنے پاٹے کپڑے سیتے کم دی ذات اے اُچی یارو گل کرو تُوسییں سُچی یارو
کرونا کے تناظر میں اُلٹ پلٹ سب ہو گیا انساں ای غافل سو گیا اُچے بُرج سب ڈھے گئے وڈھے قعلے وی بیہہ گئے اڈیکدا رہندا مُڑ مُڑ ویندا موقع دیندا پَل پَل کیندا ڈروندا بہتا ماردا تھوڑا سوچدا کی ایں پا لَے موڑا معافی منگ ، گلے اوہ لوندا مُڑ جائے بندہ ایہو چوہندا رحمت دا ہتھ اُچا رکھدا نبی دی پاروں سُچا رکھدا قہر ویکھ کے ڈھَے جا بندیا اندر وڑ کے بیہہ جا بندیا دل نوں آپ منا لَے بندیا تڑپدی روح ، سمجھا لَے بندیا
اوہ دے قہر توں کوئی نہ بچیا اوہ نے کوئی فرعون نہ چھڈیا رو رو جنہاں نے توبہ کیتی اوہناں تے اوہ نے رحمت کیتی
جے توں بچنا ڈر جا بندیا جیوندی جانے مرجا بندیا جے توں رب رحیم منوناں اپنے اندر وڑ جا بندیا
اکسے تے رو فریاد اے کیتی کسے تے پائی چڑھ دھائی سوچو یارو ہُن کی کرنا ایویں نہیں جے شامت آئی
کرونا کے تناظر میں ویلا پَل ویچ اُتے تھلے کیوں کیتا سی بلے بلے کیوں سی اُچی بڑھک توں ماری ویکھ لیا ، کی تیرے پلے جو کچھ کیتا سو ای لینا نہ کچھ سننا نہ کچھ کہنا مُڈھ ازل توں بندہ بھُلیا معافی دا در فیر وی کھُلیا معافی منگ کے باز نہ آیا پچھلا ویلا یاد نہ آیا پئے گیا ایہہ فیر پلیکھے رحمت اوہ دی مُڑ مُڑ ویکھے اوہ دے در تے بیہہ جا بندیا رو رو سجدے پَے جا بندیا رحمت ہلے وی ڈُلدی پھردی معافی منگ کے لَے جا بندیا