Author: W Iqbal Majid
دل دا شیشہ ویکھیا شکل نہ میں پہچانی خوف آیا ویکھ کے رو پئی روح نمانی شیشہ جے نہ ویکھدا مَر جاندا میں دھوکے میں تے اینا بن سنور کے نمائش دے دِتے ہوکے منہ تے روز ای دھوندے یارو کدھی دل وی ویکھو دھو کے دل دا شیشہ اصل وکھوندا دھو لوو ایہنوں رو کے
دنیا ساری مندی ہو گئی پئیے گئی سخت اعزاباں نوں ہر کوئی ایتھے جھُوٹ فریب ایمان ملے نہ خواباں نوں ہر کوئی ایہنوں ٹھیک پیا کردہ نِت پھرے اوہ لڑدا اک دوجے تے غصہ کردا ، کدی اوہ مارے کدی اوہ مَردا حاکماں نوں اوہ مارن دوڑے ، کرے قاضیاں دی رسوائی خلقت ویکھی روندی پھردی ، دیندی پھرے دھائی سوچیا ایہہ نوں ٹھیک جو کرئیے ہر اک نال کیوں لڑئیے مارئیے نہ مَرئیے، سب کچھ چھڈیے جڑ نوں پھڑئیے دیوا بال کے بندہ لبھیا جس وِچ سب خطاواں دنیا تے ٹھنڈ پئیے جاوے گی اوہ نوں جے مناواں کدھی…
من تیرے ویچ دیوا بلدا تیری روشن کرے حیات جھوٹ فریب دے پردے پاویں پئے جائے کالی رات رات ہنیرے ٹکراں ماریں سُوت سکیں نہ کات من اپنا توں ایویں ساڑیں پچھانیں نہ توں ذات بھلیا پھریں فیر راہ نہ لبھے کچھ سمجھ نہ آئے بات
گھنگرُو پا کے نچدی پھراں میں اپنا جوگی لبھدی پھراں میں برفاں وانگوں ٹھنڈی ھوواں بھانبڑ وانگوں مچدی پھرں میں جوگی نے جو بین وجائی میتھوں کر گئی مینوں پرائی روندی پھراں ہر در تے جاواں پیار دے اوہدے گیت میں گاواں کون نچاوے سمجھ نہ آوے اندر بیٹھا ڈور ہلاوے میرے جوگی کیتا روگی لبھدی پھراں میں اپنا جوگی گھنگرُو پا کے نچدی پھراں میں اپنا جوگی لبھدی پھراں میں
تیری یاد توں کدھی میں غافل نہیں کی جاناں ، میں دنیا دار تے عاقل نہیں یاد تیری تے ساہ نیں میرے تیری گلیاں راہ نیں میرے کل یاد تیری جو آ گئی مینوں برکھا وانگ رُلا گئی یاد تیری جو چھا گئی اندر بھانبڑ اک مچا گئی اندر بھانبڑ دی اگ مچدی جائے جسم کولوں میرے سہی نہ جائے اوہ تے میرے جسم نوں لَے گئی موت وی سامنے آ کے بیھ گئی جسم نے اک فریاد جو کیتی اکھیاں فیر برسات وی کیتی ویری اکھیاں وِچ کیوں آ گئیاں میرے جسم نوں فیر بچا گئیاں تیری یاد تھوڑی…
کون کہوے ایہہ پینڈا اوکھا پھُلاں ورگا راہ ایہہ سوکھا دنیا کولوں جند جو چھُٹی لتھا پھاہ ، پَنڈ ایہہ سُٹی مِٹھا درد ، اُڈیک پیاری سُچے اُتھرُو ، ڈُونگھی تاری نہ کوئی صدقے نہ میں واری نہ میں جِتی نہ میں ہاری نہ میں روندی نہ میں ہسدی نہ میں اُجڑی نہ میں وسدی عشق تیرے وِچ ڈُب ڈُب جاواں پُٹھیاں سیدھیاں تاریاں لاواں عشق دی لزت مِٹھڑی تان روح وی تیری جِند قربان عشق جو اوہ دا پا جاوے گا خِضر نوں راہ دکھا جاوے گا
ایتھے اوبڑ کھابڑ راہواں نیں ایتھے سنبھل کے قدم توں رکھیں یار ایتھے سچ تے جھوٹ دا ازلی وَیر توں سچ دا ساتھ نہ چھڈیں یار ایہہ چُپ چپان دا جنگل اے ایتھے لویں نہ کِدھرے تاڑی مار ایتھے سُولاں لبھدیاں پھردیاں پَیر ایتھے پھریں نہ ننگے پیریں یار ایتھے چِکڑ کھوبا تِلکن راہواں گھُٹ پیر ، نہ کِدھرے پھسلیں یار ایتھے مکر فریب تے جھُوٹ دا راج ویکھیں ماجد ، دل توں سُچا رکھیں یار
اکھ تے دل ایکو ای گھر دے اک دوجے تے دویں مَردے من اپنے نوں نال رلاندے مل کے سارے موج مناندے تینوں یار ایہہ یاری لاون روح نوں اپنے نال ملاون اَکھاں لبھن یار اک سوہنا عیبوں پاک تے من نوں موہنا لبھے یار تے نظر ملاون پیار دے اوہ نوں ڈورے پاون پاگل ہوون چاہ وچ اُس دی وچھ وچھ جاون راہ وچ اُس دی کردا پھرے دل صاف ستھرایا دل دا مالک لیا بٹھایا روح دے نال فیر میل کرایا من موجی وی دوڑا آیا دن خوشی دے پیار دیاں راتاں روز ای عیداں روز شبراتاں دنیا…
وجے تار تے تھِرکن پیر ، گھنگرو دوڑے آون ڈھولکی آپے وجدی جاوے ، تاراں موجاں لاون بلبل آ کے گیت سناوے اُتے بدلی آ منڈلاوے چھم چھم کردا مینہ جو آوے آپے بھنگڑے پاوے میں تے نچاں بے خبری وچ سمجھ کوئی نہ آوے ویکھی جاواں میں ایہہ سبھے ، جادو ہندا جاوے میں جو ویکھاں آسے پاسے ، ہر سُو ایہہ تماشا ہر کوئی ایٹھے ایکو تان ، کی تولہ کی ماشا من میرے نیں موجاں لا کے خوب دھمالاں پائیاں رج رج نچیا ، بھنوراں پائیاں ، ریجھاں اوہ نے لاہیاں دِسے ڈور جو عشق دی ماجد…
اتھرُو میرے سمجھ نہ پاوے ماں میری تے جھُردی جاوے اوھ دیاں فکراں اپنی تھائیں جتن جتاوے لکھاں جائیں روز سدیوے وید اوہ کامل نت لیاوے پیر تے عامل کدی دکھاوے ہیرے موتی کدی جگاوے پیار دی جوتی پیار میرے وِچ کملی ہوئی نہ اوہ جیوندی نہ اوہ موئی وید کولوں میں نو کوہ نساں سوچاں عامل نوں کی دساں ہیرے موتی میں کی جاناں اینہاں دی میں نسل پچھاناں ایہہ تے دواں نہ صدقہ اوہ دا کراں میں جند اپنی دا سودا نہ رو مائے توں کیوں جھڑیاں لائیاں تو روؤئیں تے فطرت دوے دھائیاں دل جھلا میرا کملا…